--Ads--
Nasurok 41, 000 a botante ti nakapag-rehistro para iti 2026 Barangay ken Sangguniang Kabataan Elections (BSKE) ken ti kaunaan a Bangsamoro parliamentary elections idiay Bangsamoro Autonomous Region in Muslim Mindanao, segun iti Commission on Elections.
Basar ti datos agingga Marso 3, umabot iti 41, 477 dagiti baro a rehistrado a botante pakairamanan ti 20, 551 a babbai ken 20, 926 a lallaki.
Kaadduan ti bilang dagiti nagparehistro ket manipud Maguindanao del Norte nga adda 9,860, sinaruno ti Lanao del Sue nga adda 8, 570.
Kabassitan a bilang dagiti nagparehistro iti Special Geographic Area idiay Cotabato nga adda 5,230.
-- ADVERTISEMENT --
Itultuloy ti Comelec ti voter registration iti rehiyon a naikeddeng a malpas inton Marso 31, 2026.
