VIGAN CITY – Uppat a gasut ket pito a graduate ti Alternative Learning System iti intero a probinsia ti nagmartsa idiay Provincial Farmers Livelihood and Development Center, Vigan City para iti naangay a graduation ceremony rites.
Dagiti graduate ket kinuyog dagiti nagannak ken gagayyemda kas panangipakita iti suporta met kadakuada.
Nangted mensahe met ni Chief Education Supervisor Jose Bueno ket kinablaawanna dagiti nagturpos.
Malaksid dayta, adda pay met a presensya ni President Teodorico Nacis Jr., a presidente iti ALS Teacher Association.
Kabayatanna, tallo pay a person deprived of liberty ti nakaturpos iti nasao a learning system nga isuda Gerald Gumned, agtawen iti duapulo ket tallo, nagturpos iti Junior High School; Wilmark Aquino, agtawen iti duapulo ken ni Jonathan Dizon, agtawen iti uppat a pulo ket lima, agpada a nagturpos iti elementarya.
