Imonmonitor iti security officials iti uppat a gasut ket tallo a siudad ken ili a nabigbig nga areas of concern para iti midterm elections inton May 12.
Segun ken ni Commission on Elections chairman George Erwin Garcia, sangagasut walopulo ket walo iti naipasidong ti Yellow category a mangipasimudaag a ti siudad wenno ili ket adda pakasaritaan iti election-related incidents iti napalabas a dua nga eleksyo ken posible ti election-related violent incidents gapu iti pakasaritaan ti private armed groups wenno election violence.
Sangagasut pitopulo ket pito iti nakaipasidong iti Orange Category a mangipasimudaag nga adda iti serious armed threats.
Tallopulo ket walo iti ili ken siudad iti nakaipasidong iti red category a mangipasimudaag nga adda pangta iti election violence ken ti lugar ket maikonsiderar a nakaisalinong ti Comelec control.
Imonmonitorda pay iti 1,239 nga ili ken siudad a nakaisalinong iti green category ta saan a sangagasut a porsiento nga agbalin a nakappia iti eleksyon.
Inallukoy ni Garcia ti local politicians ken candidates a makikammayet iti security measures iti salinong ti election areas of concern tapno masigurado a nakappia ken naurnos iti eleksyon.
