--Ads--
Umaboten iti 403 a gasolinaan iti intero a pagilian ti temporaryo a nagrikep gapu iti agtultuloy a panagpangina ti presio ti produkto petrolyo.
Segun ken ni Philippine National Police Spokesperson PBGen. Randulf Tuaño, ti nasao a bilang ket ngimmato manipud iti 273 a nairekord idi napan a Domingo.
Nayawaten ti PNP ti nasao a listaan iti Department of Energy tapno maammoan no dagiti nagrikep a gasolinaan ket gapu iti hoarding wenno panangidulin ti suplay ken profiteering.
Umaboten iti nasurok 14,000 a gasolinaan ti imonmonitor ti PNP iti intero a pagilian.
-- ADVERTISEMENT --
Adda payen dagiti kaso a naipila gapu iti iligal a panaglakwan iti langis, hoarding ken profiteering kadagiti probinsia ti Nueva Vizcaya, Eastern Samar ken Albay.
