--Ads--
Naapektaran ti uppat a pulo a health facilities iti intero a pagilian gapu ti panagduprak ti Bagyo Carina ken Habagat segun ti Department of Health.
Segun ken ni DOH Assistant Secretary Albert Domingo, dagiti naapektaran ket pakairamanan ti sangapulo ket walo a barangay health stations, sangapulo ket uppat a hospitals ken pito a rural health units iti maysa a regional office ti DOH.
Idi huebes nga impakaammo ni DOH Secretary Ted Herbosa a sangapulo ket maysa a health facilities ti partially damaged gapu ti saan a nasayaat a panawen.
Nupay kasta, agtultuloy ti panangted ti DOH ti primary care services kadagiti naapektaran ti Bagyo Carina ken Habagat.
-- ADVERTISEMENT --
