VIGAN CITY- Natay ni Jane Delos Reyes, agtawen iti uppat a pulo a taga-Orion, Bataan ta mapapati a timpuwak iti seawall iti abay ti balay da idiay San Pablo, San Esteban gapu iti panagriri da ken ti live in partner na a ni Josh Ibasan nga agtawen iti tallo pulo a taga-San Pablo.
Idi laengen agsapa ti Lunes a nasarakan ti bangkay ni Delos Reyes iti igid ti karayan idiay Villa Quirino, San Esteban ket kas kinumpirmaran ni PCInsp, Augusto Cabello, hepe ti San Esteban municipal police station, konkontaken dan iti kameng ti pamilya ti biktima tapnu agkiddaw da iti pammalubos para iti pannakaotopsiya ti bangkay.
Segun ken ni Cabello, agin-inom ti biktima ken ti live in partner na, pakairaman iti dua a sabali pay a gayyem da idi adda iti saan a nagkinnaawatan ti biktima ken ti live in partner na isu a nagriri da ket kalpasan na, pimmanaw ti babai a nagturong iti seawall ket sinaruno ti lalaki ngem saan dan a nakamakam pay isu nga atapen da a timupuwak ken naiyanud nga insigida ta nadawel pay laeng iti danum ti baybay idi rabii.
Kabayatanna, innayon ti hepe nga idi ket pinanggep manen ti biktima iti nagpakamatay babaen iti panagpaatal na iti kalsada iti lugar da gapu met laeng iti panagriri da nga aglive in partner.
