VIGAN CITY–Trahedya iti resulta na iti naragsak kuma a panagiinom dagiti aggagayyemm iti maysa nga ili iti probinsiya ti Ilocos Sur.
Daytoy ket kalpasan a pinalpaltugan ti maysa a senior citizen dagiti lima nga agiinom idiay Brgy. Basug, Santa.
Nabigbig dagiti natay a da Reykhel Ballesca; 25, Fazel Custodia; 24, Gerardo Belen;48, nga agpapada a taga Brgy. Basug; Romulo Bruzon;21, taga Brgy. Quezon District ken iti kakaisuna a nakalasat a ni Prince Marion Garcia;26 a residente ti Brgy. Magsaysay District iti naso nga ili.
Iti inisyal nga imbestigasyon ti Santa municipal police station, agiinom dagiti biktima iti pagtaengan ni Brgy. Kagawad Isidro de Peralta idi pinanakpak isuda ti suspek a ni Antonio Espiritu, agtawen ti 63 .
Dwa pulo ket maysa a basyo ti caliber 30 a paltog iti nakapasamakan ti krimen ken tallo a deformed fired bullets ken dwa a metallic fragment.
Boluntryo a simmuko ti suspek ket maisagsaganan ti kaso a maipila kontra kenkuana.
