Nagiruar ti maysa a joint statement ti uppat a dati a Senate President ti Republic of the Philippines tapno kiddawen ti dagus a panangrisut iti agdama a riri iti Senado.
Iti inruar nga “Statement of Former Senate Presidents on Senate Brouhaha” da dati a Senate Presidents Aquilino “Koko” Pimentel III, Franklin Drilon, Juan Miguel “Migz” Zubiri, ken Vicente “Tito” Sotto III, pinasingkedan da a moral ti responsibilidad da nga agsao tapno protektaran ti institution a dati nga indauloan da.
Ti kangrunaan nga obligasion ti maysa a lider ti Senado ket saan a kumpet iti maysa a posision ngem ti siguradoen nga agtalinaed a nasayaat sakbay a panawan daytoy.
Nagpanawagan da pay kadagiti agdama nga agpampanday linteg nga isardeng ti riri a mangdadael iti imahe ti Senado iti mata ti publiko.
