--Ads--
VIGAN CITY- Mangrugi itatta nga aldaw iti uppat nga aldaw a seminar-conference dagiti agtutubo ditoy probinsiya a paset pay laeng iti selebrasyon ti kannawidan Ylocos Festival ita a tawen, nangruna ti Gawad Titong Singson awards nga idaulwan ni Sangguniang Panlalawigan Member Mika Mendoza.
Segun ken ni Mendoza, babaen iti uppat nga aldaw nga aktbidad ket maamuan dagiti agtutubo dagiti karbengan ken dagiti dadduma a mabalin da a maaramidan para iti pagsayaatan iti probinsiya.
Nakikinnammayet da ti Youth Lead Philippines, maysa a grupo a naggapu idiay Bohol a mabigbigbig gapu ti panangital-o da ti youth empowerment wennu panangsursuro kadagiti agtutubo kadagiti naduma-duma a galad ken kababalin tapnu agbalin da a produktibo nga umili.
