Nakatuding a sumango iti witness stand ti uppat a testigo iti agtultuloy nga impeachment trial kontra ken ni Vice President Sara Duterte inton Agosto 10, 11 ken 12.
Karaman kadagituy ni Xylene May del Campo, supervising auditor manipud iti Commission on Audit–Intelligence and Confidential Funds Audit Office (COA-ICFAO) a nag-testigo payen ita nga aldaw.
Tumestigo pay ni Marivic Pareja, chief ti House archives tapno i-presentar ken mangpaneknek kadagiti opisial a dokumento ken rekord nga iggem ti Kamara nga adda pakainaiganna iti kaso.
Sumango met ni Gina Acosta, dati nga Special Disbursing Officer ti Office of the Vice President (OVP) ken isu ti nadutokan nga agiggem ken nagiruar dagiti pondo iti salinong ti panangidaulo ni VP Sara ken ni Edward Fajarda, dati nga Special Disbursing Officer ng Department of Education (DepEd).
Imbilin ti Trial presiding officer ti panag-isyu ti subpoena kadagiti nadakamat a testigo ti prosekusyon tapno dumar-ay iti impeachment trial inton sumaruno a lawas.
