Uppat a tattao ti nakemmeg iti naisayangkat nga anti-illegal gambling operation idiay Barangay Cabaroan Daya, Vigan City, Ilocos Sur idi kalman, August 13, 2025.
Dagiti suspek ket dua a babai nga agtawen iti uppat a pulo ket uppat ken agtawen iti tallopulo ket lima, ken dua a lalaki nga agtawen iti tallopulo ken tallopulo ket siam nga agpapada nga agnaed iti nasao a lugar.
Iti pannaki-uman ti Bombo Radyo Vigan ken ni PLt. Col Reynaldo Mendoza Jr. manipod Vigan City Police Station, nakaawatda ti tawag maipanggep iti panagay-ayam dagiti suspek iti Pusoy Dos iti sangwanan ti maysa a pagtaengan iti nasao a lugar isu a nagrespondeda ket naaktoan iti panagay-ayam dagiti suspek.
Naala kadakuada iti uppat a pulo ket uppat a piraso iti baraha, walo a piraso iti plastic a tugaw, maysa a piraso iti wooden table, ken pusta nga aggatad ti P626.
Dagiti nakemmeg a suspek ket nakakustodiyan iti Vigan PNP ket maisagsaganan iti kaso a maipila kontra kadakuada.
