Nailatangan ti sag-sangagasut dua pulo a ribo a pisos a piyansa tunggal maysa dagiti uppat a suspek iti napasamak a panagkabil ti maysa a referee idiay Brgy. Cabalangegan, Vigan.
Segun kenni PSSg. Mark Ryan Pagal, imbestigador ti Vigan City Police Station, nailatang iti nasao a gatad tunggal maysa kadagiti suspek para iti temporaryo a pannakawayawayada a sumangsango iti kaso a frustrated homicide gapu iti panangkabilda iti biktima a ni Eric Astrologio.
Ti agdama agtaltalinaed ti uneg ti custodial facility ti Vigan PNP dagiti suspek a da Jan Michael Reg, Lovely Ann Reg, Zandy Reg ken Regienald Peralta idinto nga inpakaammo ti pamilya ni Astrologio nga agtaltalinaed iti uneg ti ICU ti Metro Vigan Cooperative Hospital ti biktima para iti naan-anay a pannakatamingna.
Maipalagip nga idi rabii ti Abril 26 napasamak iti panagkabil kenni Astrologio kalpasan iti ayayam iti nagbaetan ti Brgy. Patpartyan ken Brgy. San Julian Norte agingga dinarupda ti biktima ta mapapati a gapo iti naladaw a tawag ti biktima a referee iti uneg ti court
