Impakaammo ni Senador Panfilo Lacson dagiti ghost flood control projects iti agduduma a probinsia iti Luzon a masarakan idiay Pampanga, La Union, Oriental Mindoro ken Bulacan.
Impakita ni Lacson iti pie-sharing wenno nabingay-bingay a pondo iti flood control projects a pakakissayan dagiti lagay, komisyon, standard operating procedures (SOPs) ken dagiti tapyas, ket nasayaaten nu adda mabati a 40 para iti panagpatakder iti proyekto.
Dagiti nasao a proyekto ket ti Riverbank Mitigation Project idiay Candating, Arayat, Pampanga a manipod 2018 a napondoan ti 20 million ken ti tawen 2024 ket namindua a daras a naikkan ti pondo a P91.8 million iti phase 1 ken P91.4 million iti phase 2; umabot iti P967 million ti pondo ti Bauang river basin idiay La Union idi 2024; ti Congressional flood control projects idiay Barangay Burbuli, Baco, Oriental Mindoro; dagiti flood control project iti walo a dadduma pay a barangay idiay Naujan, Oriental Mindoro a minilion ken binilion a pisos iti gatadna; ken innem a barangay iti probinsia ti Malolos ken Hagonoy Bulacan a kaaddoan ket distint a proyekto a naala ti contractor a Wawao Builders a karaman kadagiti sangapulo ket lima a contractors nga innaganan ni President Ferdinand Marcos Jr.
Impakita ni Lacson iti presentasyonna a maysa a kongresista a ni 1st District Oriental Mindoro Cong. Arnan Panaligan nga addaan ti AGILA flood control project idiay Naujan nga umabot iti P3.7 billion ken idiay Baco nga umabot iti P807 million pesos a ti completed project na ket June 30, 2022 agingga December 31, 2023.
Ngem idi tinulong dagiti staff ti senador ket saan a nalpas ken substandard dagiti naaramat a materyales ti proyekto iti baet a binilion ti pondo a nailatang.
Kabayatanna, inton sumaruno a lawas ket manamnama a maibutaktak ti ghost flood control projects idiay Bicol, Davao Peninsula, Western Visayas ken Central Visayas.
