Uppat a menor de edad ti nadunor iti panagdinnungpar dagiti 2 a motorsiklo iti barangay road ti Cabittaogan, Sta. Catalina, Ilocos Sur.
Ti Honda Click 125 ket minaneho ti lalaki, kinalubbonna ti maysa met laeng a lalaki.
Kabayatanna, ti met Mio I125 ket minaneho ti babai, kinalubbonna ti maysa met laeng a babai.
Iti pannaki-uman ti Bombo Radyo Vigan ken ni PCPT. Medel Perinion, agpapa-abagatan ti Honda Click ket idi agsikko iti kannawan, saan a nakontrol ti drayber ti minanehona a lugan ket naitinnag iti kanal.
Ti met sumarsaruno a Mio ket pinadasna a lisyan ti insidente ngem nagdinnungparda latta iti Click.
Mapapati a napaspas ti panagpataray ti nagmaneho iti Honda Click idi napasamak ti aksidente.
Naipaagas iti ospital dagiti karaman iti aksidente para iti naan-anay a pannakatamingda.
