VIGAN CITY – Tallopulo ket pito a porsyento paylaeng iti populasyon iti intero a rehion uno ti nabakunaan kontra covid19 idinto nga iti Ilocos Sur ti kangatwan ti bilang ti fully vaccinated kas pinasingkedan ni Mar Wyn Bello, Assistant Medical Director ti DOH Region 1.
Segun kenni Bello, patienna a gapu iti pursigido a panangallukoy kadagiti tao nangnangruna kadagiti senior citizen ti rason no apay nga ado iti nabakunaan iti baet nga ado iti agdudua nga agpabakuna.
Inaig iti dayta, masapul latta nga ikampanya ti kinpaateg ti panagbakuna ket kiddawna ti tulong dagiti nabakunaanen nga allukuyen ti publiko kangrunaanen dagiti annak nga agpabakuna tapno masalwadanda kontra Covid19.
Inpasigurado na payen a dagiti bakuna a Pfizer ken Modera ket naikkanen ti pammalubos a mayusar kadagiti ubbing isu a natalek a natalged dagiti bakuna a maitudok kadagiti ubbing.
