VIGAN CITY – Pinasingkedan ti Philippine Atmospheric, Geophysical and Astronomical Services Administration a tallopulo ket innem a lugar ti posible a makarikna ti heat index a maibilang a napeggad inton May 13, 2024.
Ti heat index idiay Aparri, Cagayan ket posible nga umabot iti 47 °C idinto a posible a 46°C idiay Dagupan City, Pangasinan; Tuguegarao City, Cagayan; Roxas City, Capiz; ken Guiuan, Eastern Samar.
45°C met ti namnamnama a marikna a heat index idiay Laoag City, Ilocos Norte; ISU Echague, Isabela; ken Iloilo City, Iloilo.
Posible a 44°C idiay Bacnotan, La Union; San Jose, Occidental Mindoro; Puerto Princesa City, Palawan; Cuyo, Palawan; ken Dumangas, Iloilo
43°C iti posible a mairekord idiay Ninoy Aquino International Airport (NAIA) Pasay City, Metro Manila; MMSU, Batac, Ilocos Norte; Baler (Radar), Aurora; Aborlan, Palawan; Virac (Synop), Catanduanes; Catarman, Northern Samar; Catbalogan, Samar; ken Butuan City, Agusan Del Norte.
