Umabot iti 349 a Pilipino ti nakasubli iti pagilian idi Biernes ti rabii kas paset ti programa ti gobierno para iti repatriation iti baet ti riribuk iti Middle East.
Segun iti Department of Migrant Workers, ti maikalima a charter flight ti nangitulod kadagiti 349 a repatriates agraman dagiti 222 nga OFW ken dagiti 78 a dependent-da, agraman dagiti 49 nga stranded a Pilipino a nakasangpet idiay Manila manipud Dubai, alas siete iti rabii, ti Marso 27, 2026.
Rinibo a Pilipino ti naibakwit sipud nangrugi ti riribuk iti Middle East idi maudi a paset ti Pebrero.
Pinasingkedan ni DMW Secretary Hans Leo Cacdac, sakup ti crisis protocol ti ahensia ti whole-of-government response iti panangtulong kadagiti OFW, manipud iti onsite support agingga iti repatriation ken post-arrival services.
