VIGAN CITY- Agtultuloy iti napintas a performance dagiti atleta ti Department of Education- Ilocos Sur Division iti manarimaan a Region 1 Athletic Association (R1AA) meet agsipud ta manipud idi nangrugi dagiti ay-ayam ket addan iti pakadagupan a tallo pulo ket uppat a medalya ti naala da.
Segun ken ni Joe Bueno, sports coordinator ti Deped- division of Ilocos Sur, immaboten iti 13 ti balitok a medalya a nangabakan dagiti atleta, 7 a silver ken 14 a bronze.
Dagiti nangabakan iti balitok a medalya dagiti atleta ti Ilocos Sur Division ket iti gymnastics –single bar- girls elementary; taekwondo- secondary ken elementary; archery girls- 30 meters- secondary level; archery boys- 60 meters; pencak silat-secondary girls; badminton team-tie secondary boys; walkathon- secondary girls, 4×100 relay- secondary girls; pencak silat- secondary boys- tanding; 400 meter hurdles secondary girls; wrestling ken pole bauls.
Mangnamnama met iti sports coordinator nga ita nga aldaw ket agballigi dagiti atleta ti probinsiya a makipaset iti finals iti boxing event.
