VIGAN CITY – Umaboten iti tallopulo ket uppat a porsiento iti populasyon ti nabakunaanen ditoy probinsia bayat ti panagtultuloy ti vaccination program kadagiti residente.
Segun ken ni Gov. Ryan Singson, mabalin a nagun-od koman ti probinsia ti 70 percent herd immunity no inaprubaran ti national government ti kiddaw dagiti Local Government Unit a makagatang iti bakuna.
Kabayatanna, 284,049 ti naawaten ti probinsia a doses ti bakuna ken manamnama nga addanto pay sumarsaruno ta inkari ni Vaccine czar Carlito Galvez Jr. nga iprayoridadna ti probinsia gapu ti pannakaisakupna iti Enhanced Community Quarantine.
Nupay kasta, agtultuloy ti panangallukoy ti gobernador kadagiti Ilocos Surian nga agpabakunadan tapno adda pangsalwadda iti bagida kontra ti Covid19.
