Pinasingkedan ti Department of Public Works and Highways a 337 manipod 416 a mapapati a ghost flood control projects iti adda madi a grid coordinates-na.
Maipalagip nga imbutaktak ni Senate Blue Ribbon Committee Chairman Ping Lacson nga inggagara ni dati a DPWH Secretary Manuel Bonoan a nagipasa kadagiti madi a grid coordinates ken ni Pres. Ferdinand Marcos Jr. tapno matakkuban dagiti pudno a flood control anomalies.
Segun ken ni DPWH Usec. Arthur Bisnar, 337 pay laeng ti actual a napanan ken na-assess iti technical engineers iti DPWH.
Iti nasao a bilang ket 291 wenno 86.35% iti labes iti 50 meters iti husto a grid coordinates idinto 46 ti agkurang ti 50 meteres manipod iti rumbeng wenno husto a grid coordinates.
Impaganetget ni Lacson a sobra wenno agkurang man iti 50 meters ket maibilang latta a madi dayta ta no papanan ket saan a makita iti nasao a ghost project.
Intudo met ni Bonoan a binilinna idi ni dati Usec. Maria Catalina Cabral a pagkakaduaenda dagiti impormasyon kadagiti ghost project ken intudona iti natay nga undersecretary a naggapu iti consolidated ken naipasa a data ti presidente.
