Umabot iti 33,000 a tattao ti naapektaran iti intero a rehion uno gapu iti bagyo Enteng nga ita ket addan iti ruar ti Philippine Area of Responsibility.
Iti pannaki-uman ti Bombo Radyo Vigan ken ni Adreanne Pagsolingan, Spokesperson ken Information Officer II ti OCD Region 1, sangapulo ket maysa a pagtaengan ti nadadael manipud iti probinsia ti Ilocos Sur, La Union, ken Pangasinan.
Awan met ti nairekord a natay wenno nadunor ngem adda maysa a mapukpukaw a madama a maberberipika.
Iti agdama, nakaibayog latta ti OCD Region 1 iti Red Alert Level status pakairamanan ti La Union ken Pangasinan idinto nga iti Ilocos Sur ken Ilocos Norte ket nakaibayog iti White Alert Level.
Agtultuloy ti pannakikinnammayetda kadagiti nasao a probinsia tapno takuaten no mano ti gatad dagiti naapektaran a sektor.
