--Ads--
Inwaragawag ti Department of Social Welfare and Development a marugian ti pannakaipaay ti tulong-pinansial kadagiti probinsia inton Mierkoles, Abril 8 kas tulong kadagiti naapektaran iti awan sarday a panagpangina ti presio ti produkto-petrolyo iti uneg ti nasurok maysa bulan.
Segun iti DSWD, maipangruna a maikkan iti cash relief dagiti agpaspasada iti traysikel kadagiti nadumaduma a probinsia.
Umabot iti 328,000 a kwalipikado a tricycle drivers ti makaganar iti sag-P5,000 nga ayuda.
Pinasingkedan ni DSWD Spokesperson Asec. Irene Dumlao a posible a manayunan pay ti bilang dagiti benepisyaryo no makompleto amin a report manipud kadagiti regional field office.
-- ADVERTISEMENT --
