Umaboten iti tallopulo ket dua a driving schools manipod Central Luzon ken Metro Manila iti sinuspenso ti Land Transportation Office (LTO) iti innem a bulan ken namuelta iti maysa a million.
Dayta ket gapu iti pannakairamanda iti agduduma nga anomaly a transaksyon nga adda pakainaiganna iti theoretical ken practical driving course certificates.
Idiay Central Luzon, umabot iti 17 driving schools iti napatawan ti suspension pakairamana dagiti pito a driving instructors-da.
Segun ken ni LTO regional director Ronnie Montejo, dagiti dadduma a driving schools iti Central Luzon ket naidalan ti preventive suspension gaputa agtultuloy a maimimbestigaran.
Agtultuloy pay iti araramidenda a regular audit, inspections ken validations tapno masigurado nga amin nga accredited driving schools ken medical clinics-da ket sumursurot kadagiti pagannurotan iti ahensya.
