Mangisagsagana ti gobierno iti fuel subsidy nga aggatad iti P3-B ita a bulan para kadagiti nasurok 300,000 a mannalon, mangngalap ken truck driver a mangipatulod iti agricultural products.
Makaawat dagiti mannalon ken mangngalap iti P5,000 one-time fuel subsidy, ken P2,000 kada lawas dagiti delivery truck driver a mangitulod iti apit kadagiti paglakwan.
Segun iti Department of Agriculture, gagem ti programa a mapalag-an ti epekto ti El Niño ken nangina a presio ti petrolyo iti sektor ti agrikultura.
Makibimbinnulig ti gobierno iti Landbank of the Philippines tapno nadardaras ti pannakaipaay ti ayuda.
Maad-adal met ti toll holiday wenno discount para kadagiti agri-delivery trucks agingga December 31 tapno ad adda a mapababa ti gastos iti panakaipatulod dagiti agri-product.
