Kinumpirmaran ti Department of Foreign Affairs (DFA) iti isasangpet ditoy pagilian dagiti tallogasut nga Afghan national nga agtalinaed iti pagilian bayat ti panangurayda ti United States visa-a.
Segun ti DFA, simmangpet dagiti Afghan nationals idiay Manila tapno kompletoen ti proseso iti US Special Immigrant Visas-da, a required para iti immigration-da idiay Amerika.
Inlawlawag ti DFA a nangiruarda iti mayannatup a Philippine entry visa kadagiti aplikate kas ayannurot iti agdama a rules and regulations kagiddan ti danag iti publiko iti national security iti pagilian.
Pinasingkedan ni DFA Spokesperson Ma. Teresita Daza a nakompleto amin nga aplikante iti extensive security vetting babaen ti Philippines national security agencies.
Maibasar iti napalabas a briefing babaen ti DFA ken ti US Embassy in Manila, agingga tallogasut nga Afghan national a kaadoan ket menor de edad, a manamnama nga agtalinaed iti pagilian iti limapulo ket siam nga aldaw kagiddan ti panangurayda iti visada tapno sumrek ken tapno mapalubosan nga agresettle idiay Amerika.
