--Ads--
Manamnama a sumangpet iti Pilipinas inton sumaruno a lawas ti umabot iti 300, 000 bariles ti krudo a ginatang ti gobierno manipud iti pagilian ti Southeast Asia tapno marisut ti pagkasapulan ti suplay.
Ti daytoy nga addang ti Department of Energy (DOE) ken Philippine National Oil Co. (PNOC) ket gagemna a siguradoen a naan-anay ti suplay iti tengnga ti krisis idiay Middle East.
Mailako ti suplay kadagiti pribado a kompania ti langis tapno makatulong iti mapaspasaran a kinankurang.
Naan-anay laeng ti nadakamat a kina-adu ti krudo para iti nasurok-kumurang dua nga aldaw a konsumo iti pagilian.
-- ADVERTISEMENT --
Ti panaggatang ket naaramid iti tengnga ti manamnama a panagngato mane ti presio ti produkto petrolyo inton sumaruno a lawas.
