30 years a community service kadagiti korap, impanawagan ti ‘fish ball warrior’

Insingasing ti viral ‘fish ball warrior’ a ni Alvin Karingal ti dusa a 30 a tawen a community service para kadagiti agtaktakaw iti pondo ti pagilian.

Kagiddan dayta ti idadar-ayna iti ‘Trillion Peso March’ idi Nobiembre 30.

Maipalagip a nag-viral ni Karingal gapu iti video-na kadagiti protesta kontra korapsion idi September 21 a mangipampanawagan a mailaklaka ti presio ti fish ball ken dadduma pay nga street food.

Maipalagip a rinibo ti nakipaset idi kalman iti nasao a protesta a dinar-ayan pay dagiti dadduma nga artista.