Natay iti tallopulo a tattao iti layos idiay Democratic Republic of Congo kangrunaan iti Kinshasa capital kas pinasingkedan ni provincial health minister Patricein Gongo Abakazi gapu iti agtultuloy a natudo a panniempo a gappuanan ti pannakadadael dagiti pagtaengan ken kalsada.
Naglupyas iti danum iti Ndjili River iti siudad nga ayan iti 17 million a tattao a gappuanan ti pannakalayos iti national road isu nga adu dagiti na-stranded a driver.
Kaadoan pay a lugar ket awanan pay laeng ti suplay iti kuryente ken awanan ti suplay iti nadalus a danum.
Kinuna ni Kinshasa Governor Daniel Bumba Lubaki a naapektaran ti water infrastructure isu a manamnama a maisubli laeng iti suplay ti danum kalpasan ti dua wenno tallo nga aldaw.
Pinabasol ti gobernador dagiti illegal housing a rason iti nakatayan dagiuti dadduma nga umili ket impangtana a papanawenna dagiti tattao a nangisayangkat ti unplanned settlements.
