VIGAN CITY- Burburtiya para ken ni Rowena Jumadas nu apay a napaltugan dagiti kakadua na nga aglaklako a da Miguel Suan Mandagit nga agtawen iti tallo pulo ket maysa, baro ken agnaed idiay Cabuloan, Bangued, Abra; Noel Moran nga agtawen iti tallo pulo ket walo kenni Godofredo Hermoso Tangiday nga agtawen iti lima pulo ket siyam nga agpada a taga-Lagangilang, Abra.
Segun ken ni Jumadas, awan iti ammo na a karirriri dagiti biktima malaksid laeng iti kinariri da idi a dati a kadua da.
Naitaray da Mandagit kenni Moran idiay Abra Provincial Hospital gapu ti sinagrap da a tama iti paltog iti naduma-duma a paset iti bagi da ngem gapu ta saan a kabaelan ni Jumadas a baklayen iti nangina a gastos iti ospital, inyalis na idiay Ilocos Sur Provincial Hospital- Gabriela Silang ni Mandagit.
Naala iti nakapasamakan iti insidente iti walo a kapsula iti cal. 9 mm ken maysa a buli ket manarimaan pay laeng iti naun-uneg nga imbestigasyon dagiti otoridad iti pasamak.
