Pinasingkedan ti Pag-IBIG Fund a pagtaltalinaedenda iti annual interest rate para kadagiti kualipikado a socialized housing loans iti salinong ti Expanded Pambansang Pabahay para sa Pilipino Program (4PH), uray ngumin-ngina iti presyo iti langis ken dagiti magatang gapu iti riribok idiay Middle East.
Segun ti ahensya, ti panangpatalinaed ti nababa nga interest rate ket kasaruno ti bilin ni Pres. Ferdinand Marcos Jr. a kabaelan a gumatang iti pagtaengan kangrunaan kadagiti pamilia a nababa laeng iti sapulna.
Segun ken ni Housing Jose Ramon Aliling, babaen ti nababa a binulan a tinnag wenno amortization, ad-adu a pamilia a mangmangged iti maaddaan ti gundaway a maaddaan iti bukod a pagtaengan bayat a supsuportaranda iti konstruksyon iti pabalay ken panagaramid iti trabaho.
Innayon ti Pag-IBIG Fund a kabaelanda nga ituloy iti nasao a suportar gapu iti natibker a performance-da idi napan a tawen ta umabot iti 140.54 billion ti naipautangda iti housing loans a nakatulong iti nasurok 90,000 a mangmangged ken pamiliada.
