VIGAN CITY – Pinasingkedan ni Ilocos Sur National High School Principal Romulo Quitevis a maaddaan iti 3-shifts schedule dagiti agad-adal inton panaglukat iti klase inton August 24.
Segun kenni Quitevis, adda iti inted ti regional office a pagibasaranda babaen iti panangipatungpal iti klase a maaddaan iti 3-shifts wenno ti Lunes ken Martes ket isu ti first shift, Mierkoles ken Huebes ket ti 2nd shift, ken Huebes ken Biernes nga isu iti 3rd shift ket iti nababati nga aldaw ket isu iti panag-online class-da.
Dayta ket gapu iti kinaado a populasyon iti ISNHS ta gapu iti sursuruten a social distancing ket kasapulan a bassit laeng iti adda iti tunggal classroom.
Kabayatanna, kas maibasar iti bilin ti Malakanyang ket surutenda iti panag-enroll dagiti agad-adal manipod iti June 1 agingga June 30 babaen iti panangitedda kadagiti barbarangay iti pormas a fill-upanda wenno ti online enrollment tapno maliklikan iti virus.
