Naikkaten iti puesto ti Department of Public Works and Highways dagiti tallo nga opisial ti Bulacan 1st District Engineering Office a da Assistant District Engineer Brice Ericson Hernandez, Construction Section Chief Jaypee Mendoza, ken Accountant a ni Juanito Mendoza.
Iti inruar a decision ni DPWH Secretary Vince Dizon, napaneknekan a guilty dagiti tallo iti Disloyalty to the Republic of the Philippines, Grave Misconduct, Gross Neglect of Duty, ken Conduct Prejudicial to the Interest of Service.
Segun iti DPWH, ti addang ket mayataday iti pammilin ni Presidente Ferdinand Marcos Jr. a madusa dagiti asino man nga adda pakainaiganna iti anomalya kadagiti flood control project idiay Bulacan.
Karaman iti pannusa ti perpetual disqualification iti panangiggem iti ania man a puesto iti gobierno.
Immunan a naikkat iti serbisio ni dati a DPWH Bulacan 1st District Engineer Henry Alcantara idi September 4.
