Tallo nga opisial ti Department of Public Works and Highways ti naikkat iti puesto gapu iti imbestigasion iti mapapati nga isyu ti iregularidad kadagiti flood control project, segun iti DPWH Secretary Vince Dizon.
Karaman kadagiti naikkat da District Engineer Richard Ragasa, Assistant District Engineer Lilibeth Sarmiento, ken Construction Chief Roberto Mamaril.
Segun ken ni Dizon, karaman dagiti tallo iti listaan dagiti im-imbestigaran ti National Bureau of Investigation (NBI) mainaig iti mapapati nga anomalya kadagiti flood control project ti Genesis88 Construction Inc. idiay Davao City.
Malaksid kadagiti tallo nga opisial, kinuna ti opisial a naikkat ti maysa pay nga engineer idiay Cebu kalpasan a nagpasuksok kadagiti kontratista iti lugar.
Nagballag met ni Dizon nga adda pay sumaruno nga opisial a mabalin a maikkat iti puesto no mapaneknekan a karaman iti anomalya.
