--Ads--
Tallo nga indibidual ti nadunor iti aksidente a nakairamanan dagiti nagkalubbon iti motorsiklo ken pedestrian idiay Barangay Bantaoay, San Vicente, Ilocos Sur.
Ti nagmotorsiklo ket maysa a lalaki nga agtawen iti sangapulo ket walo, backrider-na ti lalaki nga agtawen iti duapulo, agnaed iti Barangay San Sebastian, San Vicente.
Ti met pedestrian ket lalaki nga agtawen iti tallopulo ket pito, agnaed iti Barangay 1, Bantay.
Agpapa-abagatan ti motorsiklo idin ta bigla a bimmallasiw ti pedestrian a mapapati a nakainom isu a nadungparna.
-- ADVERTISEMENT --
Nadunor met laeng dagiti nagkalubbon isu a naipaagasda amin iti ospital para iti naan-anay a pannakatamingda.
