Awan ti nairekord nga untoward incident ti Philippine National Police (PNP) iti tallo nga aldaw a transport strike nga insayangkat iti MANIBELA.
Segun ken ni Acting PNP Chief Police Lieutenant General Jose Melencio Nartatez Jr., nakappia ken naurnos iti sitwasyon kadagiti lugar nga apektado iti nasao a transport strike.
Nakitinnulong pay iti PNP iti Land Transportation Franchising and Regulatory Board (LTFRB), Metropolitan Manila Development Authority (MMDA), Department of Transportation (DOTr), ken kadagiti lokal a gobierno tapno agbantay kadagiti ruta nga apektado iti naisayangkat nga strike.
Naisayangkat ti strike idi October 13 agingga 15 idiay Quezon City ken kadagiti kaasidegna a probinsia idiay Cavite, Laguna, Batangas, Rizal ken Quezon.
Siguradoen met ti PNP nga agtalinaed nga alerto ti ahensya ken nakasagana nga agresponde iti aniaman a sitwasyon.
