Inrusat ti Department of Justice (DOJ) iti tallo nga aldaw a Justice Summit a gagem a maiduron ti kinatalged ken laing dagiti ubbing ken dadduma pay a nakapsot a grupo pakairamanan ti panagrambak iti Children’s Month.
Segun ti DOJ, karaman iti summit ti lecture manipod human rights experts ken legal luminaries tapno iduron ti maysa a participant ken inclusive dialogue.
Kinuna ti DOJ a mapagpapatangan iti umuna nga aldaw dagiti subject kas iti estado dagiti karbengan dagiti ubbing iti justice sector, panangpapigsa ti child-sensitive justice system, access iti hustisya ken panangiduron ti karbengan dagiti ubbing a Pilipino.
Kabayatanna, kinuna ni Normina Mojica iti Council for the Welfare of Children nga adda panagbaba dagiti report ti CyberTipline manipod 2.7 million idi 2023 agingga 1.7 million idi 2024.
