VIGAN CITY – Nangilatang ti gobierno ti tallo billion a pisos para iti relief efforts kadagiti naapektaran ti bagyo Aghon kas pinasingkedan ni Pres. Ferdinand Marcos Jr .
Segun kenni Pres. Marcos, immunan a nagited ti aggatad 1.2 million a humanitarian assistance ti Department of Social Welfare and Development kadagiti naapektaran sipud naglandfall ti bagyo idiay Eastern Samar idi May 24.
Basar iti naudi a rekord ti DSWD ken ti National Disaster Risk Reduction and Management Council idi kalman, aldaw ti Lunes, addan ti pito a nadangran ken sangapulo ket siam a ribo ti naapektaranen ti didigra kangrunaan iti paset ti Bicol, Calabarzon (Cavite, Laguna, Batangas, Rizal, Quezon) ken Mimaropa pakairamanana ti Mindoro, Marinduque, Romblon, Palawan regions.
Idi aldaw ti Domingo, tallo a tao ti natay pakairamanan ti 7 month old baby idiay Quezon province .
Makikoordinar met ti ahensia iti Department of Health inaig kadagiti agas a kasapulan dagiti displaced residents kasta met ti panangallukoyda kadagiti residente a makikammayet kadagiti social welfare offices ken lokal a gobierno para kadagiti sabali pay a tulong a kasapulanda.
