Impakaammo ni Senador Panfilo Ping Lacson a naammuanen iti imbestigasion na ti saan a bumaba iti tallo a maipagarup a ‘bagman’ nga adda pakainaiganna kadagiti proyekto nga imprastruktura idiay Taguig City.
Saan nga innaganan ni Lacson dagituy ken saan na nga inlawlawag ti maipagarup nga akem dagiti bagman.
Impaganetget ni Lacson nga adda indibidwal nga immasideg iti kampo da tapno mangted ti impormasion kalpasan a nagsarita isuna mainaig ti maipagarup a maanomalya a proyekto iti nadakamat a lugar.
Inaklon ni Lacson a mas ikkan na ti priyoridad ti imbestigasion idiay Taguig gapu ti riri da ken ni Senate Minority Leader Alan Peter Cayetano, ngem inlawlawagna a saan na a target ti siudad.
Agtultuloy ti panagsukisok ti kampo ti senador kadagiti naawat da nga impormasion.
