Kumpirmado a natay dagiti tallo a seaman nga Indian nga immunan a naireport a mapukpukaw kalpasan a nangirusat ti airstrike iti military ti Amerika idiay Gulf of Oman.
Tinarget ti nasao a panagatake ti oil tanker nga MT Settebello nga adda banderana a Palau.
Segun ti US military, natamaan ti barko gapu iti pannakapaayna a simmurot kadagiti bilin iti American forces ta napagdudua-an a nagkarga iti langis manipod Iran.
Umabot iti duapulo ket uppat a tripulante nga Indian ti naglugan iti oil tanker idi napasamak iti insidente ket naisalakan met iti duapulo ket maysa kadakuada.
Ibilang ni Indian Shipping Minister Sarbananda Sonowal ti trahedya kas “deeply unfortunate”, ket iti agdama, manarimaanen iti pannakasimpa ti repatriation ken panangpayawid dagiti bangkay dagiti tallo a natay nga Indian nationals.
