Binitay ti gobierno ti Singapore dagiti tallo a tattao kalpasan a masentensiaanda iti kaso mainaig iti iligal a droga.
Buklen iti 17 a tattao ti nabitay ti gobierno ti Singapore ita a tawen, kangatoan a bilang manipud idi 2003 manipud idi naipatungpal ti nasao a pannusa.
Idi napan a lawas ket naaddaan ti constitutional challenge ti death penalty a naituding a denggen iti korte.
Maipasango iti death penalty ti asinoman nga agipuslit, agilako, agipaay, wenno agmanehar ti iligal a droga ti nasurok a 15 a gramo ti diamorphine, 30 a gramo ti cocaine, 250 a gramo shabu ken 500 a gramo ti marijuana.
Inkalintegan ti Singapore a no ikkatenda ti pannusa a bitay ket siguradoen ti gobierno a ngumato ti bilang dagiti aglaklako ti iligal a droga.
Maipalagip a ti Singapore ti pagilian a kadagsenan ti pannusa kadagiti mairaman iti iligal a droga.
