Simmukon kadagiti otoridad iti 3 a suspek a mapapati a nangdukot ken nangpatay iti dati a vice mayor idiay Abuyog, Leyte a ni James Bohol ken anakna.
Segun ti Anti-Kidnapping Group (AKG) Director PBGen. Edwin Balles, nangted ti surrender fillers dagiti nasao a suspek babaen ti pannakipatang ti pamiliada, ta alas nuebe iti rabii idi simmukoda.
Naammoan a naipakaammo a mapukpukaw dagiti agama idiay Mayorga, Leyte idi June 27 idi sabado ken nakita dagiti bangkayda iti maysa a nasulinek a derraas iti igid tiu kalsada idiay Barangay Imelda, Silago, Southern Leyte.
Kinuna ni Balles a babaen ti pannakipatangda kadagiti suspek ket kinunada a nagplanoanda ti inaramidda a krimen kadagiti agama.
Rimmuar iti imbestigasyon iti kapulisan nga adda utang ti biktima iti maysa kadagiti suspek a maysa a negosyante a ti negosyona ket manteka.
Saan metten a naibaga no mano iti utang dagiti biktima.
