3 a PNP general, nadutokan iti baro a posisyon

Nadutokan dagiti tallo a Philippine National Police (PNP) brigadier generals iti kabarbaro a posisyon kasarun iti sabali manen a balasaan iti PNP.

Dinutokan ni PNP Chief Gen. Nicolas Torre III ni Brig. Gen. Ericson Dilag a regional director iti Cordillera police.

Nagserbi ni Dilag a hepe PNP Firearms and Explosive Office nga idauluan ni Brig. Gen. Ronald Gayo.

Nagserbi met ni Gayo a deputy director for administration iti Bicol police a sinukatan ni Brig. Gen. Rogelio Raymundo Jr.

Ni Raymundo ket nagserbi kas deputy director for administration iti Soccksargen police.

Agpada da Gayo ken Raymundo a miembro iti PNP Academy Class of 1995 idinto a ni Dilag ket karaman iti PNPA Class of 1996.