VIGAN CITY – South Korea, Pilipinas ken Dubai dagiti tallo a pagilian nga inisyal nga agi-innagaw iti panaghost ti Miss Universe 2019.
Segun ken ni dati nga Ilocos Sur governor- Narvacan- mayor elect Luis “Chavit” Singson a maysa kadagiti kadakkelan nga sponsor ti Miss U beauty pageant, addan dagiti pre-requirements a nalpas ti South Korea para iti hosting ti Miss Universe ngem adda ti grupo dagiti babbai a kimmontra isu a nagsapul da iti sabali a bidder ket ti Pilipinas ken Dubai iti immuna a nangipakita iti interes da.
Dakkel iti posibilidad na a ti Pilipinas manen iti ag-host ngem maapul iti dakkel a gatad ken adu pay nga sponsor.
Inpannakkel ni Singson a manipud idi isunan iti maka-ammo nu aniya a lugar iti pakaisayangkatan iti nasao a beauty pageant ket immadu dagiti kompanya a kayat na iti ag-sponsor ken kayat na iti tumulong para iti balligi a Miss Universe beauty pageant.
© Catriona Magnayon Gray being crowned as Miss Universe 2018
Kabayatanna, pinaglibakan ti dati a gobernador nga awan iti plano na a mangiggem iti franchise ti Binibining Pilipinas ta ti tuttutukan na ket ti Miss Universe.
Nu aniyan to ti pagilian a mapili nga aghost ti nasao a prestihiyoso a beauty pageant ket isun to iti lugar a pangiyawatan ni Miss Universe 2018 Catriona Magnayon Gray iti korona na.
