--Ads--
3 a nagsusugal ti nakemmeg iti naiwayat nga Anti-Illegal Gambling operation iti Barangay Orence, Narvacan, Ilocos Sur.
Iti pannaki-uman ti Bombo Radyo Vigan ken ni PLT. Reynald Ramos ti Narvacan Police Station, agkakabagian dagiti suspek ken agpapada dagitoy a damoda ti matiliwan iti iligal nga aramidda.
Naaktuan dagiti suspek nga agaayam iti Tong-its iti sangwanan ti maysa a pagtaengan ket nakumpiskar kadakuada ti pusta nga aggatad iti P1,045.
Malaksid dayta, nakumpiskar pay ti maysa a plastic table, ken 3 a monoblock chair.
-- ADVERTISEMENT --
Nupay kasta, naituding ti panagpyansa ita nga aldaw dagiti suspek para iti kaso a panaglabsing iti Presidential Decree 1602 wenno Anti – Illegal Gambling Act.
