Nadunor dagiti 3 a nagkakalubbon iti maysa a motorsiklo iti napasamak nga aksidente iti Barangay Cabaroan, Magsingal, Ilocos Sur.
Ti Yamaha Mio I 125 motorcycle ket minaneho ti lalaki nga agtawen iti innem a pulo ket maysa, taga-Namalpalan, Magsingal, kinalubbonna ti lalaki nga agtawen iti uppat a pulo ket dua ken maysa a menor de edad nga agpada a taga-Barangay Aridawen, Sta. Teresita, Cagayan Valley.
Iti pannaki-uman ti Bombo Radyo Vigan ken ni PLT. William Costales, napataray ti drayber ti motorsiklo ket mapapati a saanna a natantya ti kurbaan a paset ti kalsada isu a naidungparda iti kabatbatoan.
Agpapada nga awan ti helmet dagiti 3 a nagkakalubbon ket ti drayber ti napakaroan iti napasamak.
Naipaagasda iti ospital para iti naan-anay a pannakatamingda.
