3 a lugan ti nagtitinnukbob iti national highway ti Barangay Paratong, Sinait, Ilocos Sur.
Ti Honda City ket minaneho ti lalaki nga agtawen iti duapulo ket siam, taga-Barangay Pantay Daya, Vigan City.
Ti met Toyota Vios ket minaneho ti babai nga agtawen iti tallopulo ket pito, taga-Ajat, Igug, Cagayan.
Kabayatanna, ti Mitsubishi Expander ket minaneho ti lalaki nga agtawen iti innem a pulo ket lima, taga-Pudtol, Apayao.
Agpapa-abagatan dagiti 3 a lugan idin ta nagpreno ti Expander ta sinenyalan ti maysa a volunteer traffic enforcer nga aginayad gapu iti parada para iti Sinait Town Fiesta.
Nagpreno met ti Vios a sumarsaruno ngem ti Honda City ket saanna a nadlaw dagiti lugan a nagpreno isu a nagdinnungparda iti Vios.
Gapu iti impact, naidungpar met ti Vios iti sarsarunwenna nga Expander ngem nupay kasta keta wan ti nadangran.
