VIGAN CITY – Nadundunor iti nagmaneho iti tricycle a ni Ricky Dalangin, agtawen ti tallo pulo ket walo, naasawaan nga agnaed idiay Barangay San Jose, Santiago ken dagiti kakaduana iti aksidente idiay Barangay Bulbulala, Santiago idi February 1.
Nabigbig dagiti kakadua ni Dalangin a nadunor a da Hermogenes Ves, agtawen ti tallo pulo ket pito, naasawaan nga agnaed idiay Bulbulala, Santiago ken Thomas Supnad, agtawen ti lima pulo ket walo, mannalon nga agnaed idiay Brgy. San Jose, Santiago.
Dagiti biktima ket mapapati a nadungpar ti maysa a GMW Bus a minaneho ni Dee Jay Laforga, naasawaan nga agnaed idiay Brgy. San Lorenzo, Lal-lo, Cagayan.
Maibasar iti imbestigasyon ti Santiago PNP, agpapaabagatan ti GMW bus idi aksidente a nadungparna iti aggapo ti laud a tricycle a nagluganan dagiti biktima isu a nadundunor da ket naipan da idiay Candon General Hospital para iti pannakatamingda idinto a saan met a naan-ano ti nagmaneho iti GMW bus ken dagiti pasaherona.
