Inbutaktak ni Vice President Sara Duterte a plano amin da dati a President Rodrigo Duterte, Davao City 1st District Rep. Paolo Duterte ken Davao City Mayor Sebastian Duterte a tumaray iti 2025 senate race.
Iti panagsarita ni VP Duterte iti OVP Pride Reception idiay Cagayan De Oro City, inpakaammona dagiti plano ti pamilyana para iti umadani a panagpipili.
Inaig met iti saludsod kenkuana nu agikkat wenno saan iti Office of the Vice President , kinunana a pagpatanganda pay ti nasao a banag.
Idi napan a lawas ket maipalagip a nagikkat ni Duterte kas Secretary ti Department of Education nupay dina inted ti rason ti panagikkatna iti puesto.
Patien met dagiti political pundits nga adda posibilidad nga agsubli idiay Davao City ni VP Sara idinto a dagiti kakabsatna a lallaki ken ti amana ket agpaidasig iti nangatngato a puesto.
