Tallo a gold medal iti naiyawid ti Team Vigan iti naisayangkat a Palarong Pambansa 2025 Kickboxing Exhibition Match idi May 25, 2025 idiay Ilocos Norte.
Dagiti nakaala iti balitok a medalya ket da Hainee Ruizan, Lord Prince Buenaflor, ken Adrian Daquep Arellano bayat ti Point Fighting iti Kickboxing.
Iti pannaki-uman ti Bombo Radyo Vigan ken ni Terry Ruizan a Coach iti Kick Boxing iti Vigan, nasaganaan dagiti player iti pannangabakda ta napalaus iti panagsanayda ken datin a makipaspasetda kadagiti pasalip maipanggep iti kickboxing.
Nu man pay umuna a gundaway iti biang ti point fighting ket kinabaelan dagiti delegates iti nangabak.
Patien ti coach a dakkel ti impact kadagiti player iti pwersada iti laban ken ti kanayon a panagdenggegda iti balakadna isu a nangabakda iti exhibition match.
VIDEO – COACH TERRY RUIZAN
Umuna a gundaway ni Hainee Ruizan iti makipaset ti exhibition match iti palarong pambansa isu a napalaus iti danagna ngem pagyamanna ta nakaiyawid iti gold medal ta nagtalek iti Namarsua.
VIDEO – HAINEE RUIZAN
Uray ni Lord Prince Buenaflor ket napalaus iti nerbyosna idi nakilaban ta saan a sanay iti point fighting gapu iti pwersa a rumbeng nga ipaayna iti laban ta aminado a saan a sanay ngempagyamananna ta nagun-od latta iti gold.
VIDEO – LORD PRINCE BUENAFLOR
Saan met a nagdanag ni Adrian Daquep Arellano iti nagbalin a labanna ta pinatibker ti coach da ti riknana ken nabagaan a kabaelanna uray nataytayag iti kalabanna isu a nagtalek iti bagbagina.
VIDEO – ADRIAN DAQUEP ARELLANO
