Inaprobaranen ti House Committee on Basic Education and Culture ti tallo a gakat a mangitandudo ti panangpasayaat ti kalidad ti edukasion ti pagilian.
Pakairamanan daytoy ti Classroom-Building Acceleration Program (CAP) Act (House Bill No. 5577) a rumrummuar iti mekanismo a ti local government units ken private sector ket makapatakder ti classroom iti pannakibinnulig ti Department of Education.
Basar iti Second Congressional Commission on Education, ti Pilipinas ket sumangsango iti kinakurang ti classrooms nga umabot iti 165, 000.
Babaen ti panangited ti bileg kadagiti LGUs ken private partners a maaddaan ti access iti national budget ken technical assistance ket palawaen ti CAP ti kapasidad ti gobierno a makapatakder ti natalged ken nasayaat a classroom.
Inaprubaran pay ti komite ti gakat nga Education Pathways Act (House Bill No. 4248) a gagemna a maaddaan ti baro nga structure ti post-Junior High School education iti dua a wagas nga isu iti University Preparatory Pathway iti salinong ti DepEd ken Technical-Vocational Pathway iti salinong ti TESDA.
